Pedagogët e Universitetit të Arteve paralajmëruan bojkot të procesit mësimor, për shkak të moszbatimit të vendimeve të senatit, që kanë të bëjnë me promovimin e stafit akademik. Në vitin 2024, senati miratoi dhënien e titujve akademikë për pedagogët, përfshirë titullin ‘profesor i asociuar në arte’. Por ende këto vendime nuk janë zbatuar në aspektin financiar dhe administrativ.