Këshilltarët e djathtë në Bashkinë e Vlorës, kanë ankimuar votimin e komandimit të Elis Halilit si kryetar i përkohshëm i bashkisë. Nëpërmjet një letre, këshilltarët opozitar kërkojnë nga kryetarja e Këshillit Bashkiak “shfuqizimin tërësisht të aktit të caktimit të zëvendëskryetarit të Bashkisë, Elis Halili, në pozicionin e kreut të Bashkisë. Demokratët e justifikojnë kërkesën e tyre me argumentin se është shkelur Rregullorja e Këshillit Bashkiak, e cila për rastin në fjalë thekson nevojën për votim të fshehtë, e jo të hapur. “Në zbatim të Rregullores së Këshillit Bashkiak dhe konkretisht nenit 81 pika 1, e këtij neni, në të cilin përvaktohet se: Votimi i fshehtë bëhet për çështje me karakter individual që lidhen me persona fizik apo juridik (persona, organizata apo biznese private) ndaj të cilëve krijohen pasoja juridike mbi basë të aktit me karakter individual të nxjerrë nga Këshilli, si dhe në rastet e vlerësimeve mbi sjelljen ose cilësitë e një individi.”, thuhet ndër të tjera në shkresë. 17 këshilltarë të djathtë, kërkojnë që seanca të rimbahet dhe të zhvillohet sipas parashikimee të rregullores me votim të fshehtë. Po me votim të hapur u mbajt edhe seanca për shkarkimin e kryebashkiakut të Tiranës Erion Veliaj, ku u refuzua kërkesa e disa këshilltarëve për votim të fshehtë.