Teksa ora 16:00 shënon afatin e fundit për dorëzimin e kërkesave për tu regjistruar në zgjedhjet e 4 gushtit në Himarë, deri në mesditë, burime nga KQZ bëjnë me dije se një kërkesë të tillë e ekanë dorëzuar 8 parti. Sipas po të njëjtave burime, partitë që kanë dorëzuar një kërkesë të tillë janë: 1. Partia Socialiste e Shqipërisë (PS); 2. Partia Demokratike (PD) 3. Partia e Lirisë (PL); 4. Partia Republikane (PR); 5. Partia Demokristiane (PDK); 6. Partia Balli Kombëtar (PBK); 7. Partia Bashkimi për të Drejtat e Njeriut (PBDNJ); 8. Fryma Re Demokratike (FRD); Partia Demokratike, e cila tashmë drejtohet nga ish-kryeministri Sali Berisha, nga arresti i shtëpisë, ishte e fundit që dorëzoi kërkesën për regjistrim. Ajo që bie në sy është mungesa në këtë listë e partive të reja. Zgjedhjet në Himarë vijnë pas humbjes së mandatit të Fredi Belerit, i cili nuk arriti të betohej kurrë si kryebashkiak, pasi u dënua nga GJKKO për korrupsion zgjedhor. Ky i fundit është shprehur se çështjen do e ndjek në gjykatat ndërkombëtare. Maxhoranca yi kandidat ka zgjedhur Vangjel Tavon, i cili do të përballet me Petro Gjikurian, nga opozita.