Pas protestave të vazhdueshme prej më shumë se një muaji në rrugicën pranë apartamentit të ish-kryeministrit Sali Berisha, tashmë opozita duket se do të shkojë në një tjetër nivel proteste. Mësohet se të hënën, në orën 16:30, opozita ka thirrur një protestë pranë parlamentit, ku 19 deputetë demokratë, të përjashtuar nga punimet e Kuvendit nuk do të lejohen të hyjnë në ambientet ku mbahen seancat plenare. Të njëjtat burime bëjnë me dije se krahas përjashtimit të deputetëve të opozitës, një arsye tjetër proteste është mosngritja e komisioneve hetimore parlamentare apo mosndryshimi i përbërjes së komisionit të posaçëm të reformës zgjedhore. Këto dy të fundit në vetëvete janë arsyeja se përse opozita prej disa muajsh ka nisur aksionin e përbashkët në parlament, për të bllokuar funksionimin normal të tij.