Konstituohet komisioni i reformës zgjedhore. Bazuar në rekomandimet e OSBE/ODHIR, por edhe të vëzhguesve të tjerë ndërkomëbtarë, pritet që deputetët e mazhorancës dhe opozitës të miratojnë një sërë ndryshimet që do i shtrijnë efektet në zgjedhje. Me në krye Damian Gjiknurin dhe Enkelejd Alibeajn, komisioni i reformës zgjedhore çeli punimet këtë të martë. Demokrati, Oerd Bylykbashi, i renditur tashmë krah ish kryeministrit, Sali Berisha, paralajmëroi që kjo reformë të mos shndërrohet në një pazar mes mazhorancës dhe opozitës. Nuk duhet të jetë si fundi i vitit 2020 i asaj reforme ku një pazar jo thjesht ndryshoi Kodin Zgjedhor, por shkatërroi një sistem zgjedhor. Rregullat e lojës nuk ndërrohen në mënyrë të njëanshme. Nëse kjo reformë do shërbejë për të krijuar krizë politike më mirë mos nisë se do të jetë themeli i një krize që do na çojë mbrapsht 20 vite të shkuara.