Përpjekjet për të transferuar shpejt sistemet e mbrojtjes ajrore Patriot, në Ukrainë, kanë nisur – konfirmoi të enjten komandanti më i lartë ushtarak i NATO-s në Evropë, Alexus Grynkeëich, ndërkohë që vendi po përballet me disa nga sulmet më të rënda ruse të luftës deri më tani. "Përgatitjet janë duke u zhvilluar, ne po punojmë shumë ngushtë me gjermanët për transferimin e sistemeve Patriot", tha gjenerali në një konferencë për shtyp në qytetin gjerman Ëiesbaden. "Udhëzimet që më janë dhënë kanë qenë të nisen sa më shpejt të jetë e mundur." Grynkeëich paralajmëroi ndërkohë se Rusia është dhe do të mbetet një kërcënim për aleancën në Evropë edhe nëse gjendet një zgjidhje paqësore për luftën në Ukrainë. Komandanti Suprem i Forcave Aleate të NATO-s për Evropën, konfirmoi se udhëzimet që i janë dhënë ishin që të dorëzoheshin raketat Patriot në Ukrainë sa më shpejt të ishte e mundur, duke jetësuar kështu njoftimin e presidentit amerikan Trump në fillim të kësaj jave. "Nuk do t'u zbuloj rusëve apo askujt tjetër numrin e saktë të armëve që po transferojmë ose kur do të ndodhë ky transferim, por ajo që dua të them është se përgatitjet janë duke u zhvilluar".