Një pjesë e pasurisë së konfiskuar të ish-kryeministrit të Maqedonisë së Veriut, Nikolla Gruevski dhe ish-shefit të shërbimit të sigurimit, Sasho Mijallkov së shpejti do të dalë në ankand. Sipas Agjencisë për pronat e sekuestruara, një pjesë e pasurisë së sekuestruar nga Mijallkov në rastin “Perandoria” do të dalë në shitje. Në shitje do jenë banesa, apartamente, garazhe, ambiente biznesi dhe sipërfaqe toke për të ndërtuar. Shteti pritet të arkëtojë të paktën 29 milionë euro. Nga shitja e tre banesave dhe e një garazhi në Vodno, deri më tani shteti ka arkëtuar nga Mijallkovi 332.276 euro. Dhe vetë kompania “Best Ëay Investment”, kompani në pronësi të Jordan Mijallkovit, i ka blerë vetë. Gruevski, në vitin 2018, pas shpalljes së dënimit me burg për rastin “Tanku”, u arratis në Hungari ku iu dha azil politik. Në rastin “Parcelat e Vodnos” ish-kryeministri është dënuar me nëntë vite burg për shkak se e ka blerë pronën me para nga donacionet për VMRO-DPMNE-në.