Në tunelin e Krrabës do të fillojë pastrimi i mureve duke filluar që nga dita e dielë nga ora 21 00 e mbrtëmjes deri në orën 06 00 të mengjesit. Për pasojë Autoriteti Rrugor Shtetëror ka njoftuar drejtuesit e mjeteve sesi do të vijojë qarkullimi i mjeteve në vazhdim, nisur nga fluksi i madh që qarkullojnë në ditë në këtë ask rrugor dhe qëpërllogaritet se janë rreth 15 mijë automjete. Mësohet se pastrimi i tunelit do të vazhdojë për 30 dite. “Gjatë këtij orari do të punohet për larje në njërin tub, duke lënë të lirë për qarkullim tubin tjetër. Në bashkëpunim me Drejtorinë e Policisë Rrugore, është hartuar Plani i Menaxhimit të Trafikut, i cili parashikon që gjatë natës, kur në njërin tub të punohet për larjen, të qarkullohet në tubin tjetër, me të dyja senset e lëvizjes, me shpejtësi të reduktuar dhe në prezencën e patrullave të Policisë Rrugore nga të dy anët e tunelit. Nga ana e Operatorit të Tunelit, janë marrë të gjitha masat për zbatimin e Planit të miratuar të Menaxhimit të Trafikut”, thuhet në njoftimin e arrsh. Përmes njoftimit për mediat ARRSH ka udhëzuar të gjithë drejtuesit e mjeteve që do të qarkullojnë në Tunelin e Krrabës gjatë orëve të natës, të zbatojnë sinjalistikën rrugore dhe mesazhet në tabelat elektronike të tunelit.