Një burrë është arrestuar pasi hapi derën e emergjencës së një avioni të Asiana Airlines, ndërsa ai po ulej në Korenë e Jugut. Të 194 pasagjerët zbritën më pas në tokë të sigurt, por dora e avionit shihej ende e hapur në aeroportin ndërkombëtar Daegu. Disa pasagjerë kishin humbur ndjenjat ndërsa të tjerë kishin probleme me frymëmarrjen dhe u dërguan në spital – raportuan mediat lokale. Personi përgjegjës, rreth të 30-tave, u arrestua sapo zbriti në tokë – raportuan mediat lokale. Avioni ishte nisur nga ishulli Jeju, të premten dhe ishte pranë pistës rreth një orë më vonë, kur pasagjeri hapi derën e emergjencës ndërkohë që ai ndodhej ende 250 metra mbi tokë. Një video e ndarë në mediat sociale, tregon trazirat në pjesën lindore të avionit dhe erën që përplasej mbi sediljet e pasagjerëve. Asistentët e fluturimit nuk kishin mundur ta ndalonin pasagjerin pasi avioni ishte duke u ulur, thanë dëshmitarët. Ata shtuan se burri kishte tentuar të hidhej nga avioni pasi kishte hapur derën. Pasagjerët folën edhe për panikun që kishte shpërthyer në bord. “Ishte një kaos i vërtetë me njerëzit që ishin pranë derës që dukej se po humbisnin ndjenjat njëri pas tjetrit ndërsa asistentët e fluturimit kërkonin doktorë në bord”, thotë një 44 vjecar. “Kujtova se avioni do të shpërthente. Mendova se do të vdisja”, shton ai.