Një ditë pas PDK, edhe zyrtarë të Lidhjes Demokratike të Kosovës kanë dorëzuar këtë të premte kërkesën në Gjykatën Kushtetuese, përmes të cilës kanë kërkuar vlerësimin e kushtetutshmërisë së seancës konstituive të datës 29 qershor dhe seancave pasuese, pas aktgjykimit të Kushtetueses të nxjerrë më 26 qershor. Shkëmb Manaj nga LDK, pasi dërgoi rastin në Gjykatë Kushtetuese akuzoi kryesuesin e seancës konstituive, deputetin Avni Dehari dhe LVV-në se s’po respektojnë vendimin e Kushtetueses. Ai tha se në aktgjykimin e Kushtetueses të publikuar më 26 qershor, ndalohet votimi i fshehtë i kryeparlamentarit.