Australia do të hartojë një ligj që i jep punonjësve të drejtën që të injorojnë telefonatat e paarsyeshme apo mesazhet e shefave të tyre jashtë orarit të punës, pa ndëshkim, madje përkundrazi, me gjoba për punëdhënësit që e shkelin këtë rregull. E drejta për tu shkëputur tërësisht nga puna është pjesë e një serie ndryshimesh të ligjeve të marrëdhënieve industriale të propozuara nga qeveria federale që thotë se do të mbrojë të drejtën e punonjësve për të ndihmuar në rikthimin e balancës mes punës dhe jetës. Ligje të ngjashme që i japin të drejtën punonjësve të fikin telefonat janë në fuqi në francë, spanjë dhe vende të tjera të BE-së. Masa i ndalon punonjësit që të angazhohen pa pagesë kur orari i punës ka mbaruar, përmes të drejtës për tu shkëputur nga kontaktet e paarsyeshme. “Ne thjeshtë themi se dikush që nuk paguhet 24 orë në ditë, nuk duhet të penalizohet nëse nuk është online apo i disponueshëm 24 orë në ditë”, tha kryeministri australian Antoni Albaneze. Ligji pritet të kalojë në parlament më vonë gjatë kësaj jave dhe përfshin edhe masa të tjera.