Zëvendëskryetari i Bashkisë së Kukësit, Granit Gjana është paraqitur në SPAK, ku sipas burimeve po pyetet për skandalin ku u përfshinë ish-Kryetari Safet Gjici dhe Alma Kaçi. Ai ka mbërritur I vetëm këtë të premte në ambientet e Prokurorisë së Posaçcme, ku do të japë shpjegime sa I takon diskutimeve për tenderin e sterilizimit të qenëve në Bashkinë e Kukësit. Ky diskutim u bë mes Gjicit dhe Kaçit pak sekonda pasi kishin kryer marrëdhënie intime në zyrën e ish-kryetarit të Bashkisë. Alma Kaçi I kërkonte Gjicit që ta ndihmonte për të përfituar tenderin e sterilizimit të qenëve, ndërkohë që ky I fundit I mundëson asaj komunikim me nënkryetarin e Bashkisë, pikërisht me zotin Gjana, të cilit Kaçi duhej ti dorëzonte projektin e saj për të përfituar nga tenderi. Më 24 qershor u arrestua Safet Gjici dhe Alma Kaçi. Për Gjicin gjykata ka caktuar masën “Arrest me burg” për veprën penale “korrupsioni pasiv”, ndërsa për Alma Kaçin gjykata caktoi “arrest shtëpie”, për veprën penale “korrupsioni aktiv”.