Kjo ndodh kur parlamenti shndërrohet në një bodrum të mafies. Ky ishte reagimi i ish-kryeministrit Sali Berisha, me të dale nga Parlamenti, ku me shumicë të votave të maxhorancës socialiste, nuk u pranua ndryshimi I rendit të ditës, për të patur 60 minuta diskutime. Sipas kryedemokratit, parlamenti veproi në shkelje të rregullores e Kushtetutës. Por çfarë do të ndodhë në shtator, kur PS ka 83 vota, të cilas së bashku me votat e deputetët të PSD, e cila ka paralajmëruar bashkëpunim me socialistët shkon në 86 të tilla? Njëlloj, kanë një votë gjithsej. Ata janë një. Mos e pyet se kush vjen aty. Nuk janë deputetë, janë përfaqësues të një farse të shëmtuar elektorale që nuk e ka parë vendi kurrë. Të gjitha format e qëndresës janë të pranueshme. Sipas Berishës, në legjislaturën e re nuk përjashtohet asnjë rrugë nga demokratët, për atë që e konsiderojnë si rikthim të votës së lirë.