Situata e sigurisë në veriun e Kosovës është e brishtë, thotë drejtori i përgjithshëm i Policisë së Kosovës, Gazmend Hoxha. Ndërsa kriminelët e sulmit në Banjskë mbrohen nga pushteti në Serbi, ai shton se ekziston rreziku që ata të sulmojnë në të ardhmen kufijtë e vendit. Hoxha: Derisa kriminelët e Banjskës mbrohen nga pushteti në Serbi, rreziku ... Situata vazhdon të jetë e qetë aktualisht, mirëpo ne duhet të jemi të kujdesshëm sepse mund të ketë edhe ndonjë problem në të ardhmen që mund të vijë përtej kufijve. Përbrenda kufijve akoma ka ndonjë individ, disa mbeturina, grupe që kanë mbetur të këtyre strukturave të cilat shteti i Kosovës i ka shpallur si struktura ilegale dhe po ashtu struktura terroriste, e që të cilët me shumicë janë larguar nga Kosova, po kanë akoma individë me të cilët kohë pas kohe i dirigjojnë për të kryer sulme apo për të kryer akte kundër interesave tona në veri të vendit” Në një intervistë për KosovaPress, Hoxha tha po ashtu se policia e kosovës është në koordinim të ngushtë me partnerë të tjerë të sigurisë.