Kryetarët e bashkive anëtare të Rrjetit të Qyteteve të Ballkanit, B40 shprehin shqetësimin e tyre për paraburgimin pa afat të Kryetarit të Bashkisë së Stambollit, Ekrem İmamoglu dhe Kryetarit të Bashkisë së Tiranës, Erion Veliaj. Në një letër të përbashkët, krerët e 76 bashkive e quajnë mbajtjen në paraburgim të dy krybashkiakëve një “trend të rrezikshëm” që kërcënon demokracinë vendore në Ballkan dhe më gjerë. Ata kërkojnë t’i jepet fund masës së paraburgimit ndaj tyre. “Thirrja jonë e qartë është t’i jepet fund paraburgimit pa afat të Kryetarit Ekrem İmamoglu dhe Kryetarit Erion Veliaj dhe t’u lejohet të presin në liri procedurat ligjore, duke ushtruar njëkohësisht detyrat që u janë besuar nga qytetarët që përfaqësojnë”.