Kreu I Vatikanit, udhëheqësi shpirtëror I katolikëve, Papa Francesku, kërkon armëpushim në Gazan e pushtuar nga Izraeli. Në fjalimin e së dielës për besimtarët Papa Francesku iu drejtua krerëve të Hamas dhe Izraelit për armëpushim. Po ashtu ai kërkoi që të ketë një armëpushim edhe në shtetet e tjera në konflikt, si Ukraina e Rusia. Duke u ndalur tek lufta e përgjakshme në Gaza, ku kanë mbetur të vrarë me mijëra fëmijë, Papa Francesku e ka konsideruar brutalitet atë që po ndodh, referuar bombardimeve të Izraelit. “Ukraina vazhdon të goditet nga sulmet kundër qyteteve që ndonjëherë shkatërrojnë shkolla, spitale, kisha. Le të heshtin armët dhe le të dëgjohen këngët e Krishtlindjeve. Le të lutemi që në Krishtlindje të zbatohet armëpushimi në të gjitha frontet e luftës, në Lindjen e Mesme, në Ukrainë dhe në të gjithë botën”, theksoi Papa. “Me dhimbje mendimi im shkon në Gaza, në një brutalitet të tillë. Për fëmijët që goditen me automatik, për bombardimet e shkollave dhe spitaleve. Sa brutale”, shtoi Françesku, duke kërkuar armëpushim në Gazën e shkatërruar.