Papa Françesku i ka kërkuar Phenjanit që ta ftojë në Korenë Veriore, duke thënë se nuk do ta refuzonte mundësinë për ta vizituar këtë vend dhe për të punuar për paqe. Një vizitë e mundshme e Papës në shtetin e izoluar është përmendur më 2018 kur ish-presidenti i Seulit, Moon Jea-in, pati filluar një raund bisedimesh diplomatike me liderin e Penianit, Kim Jong Un. Moon, i cili është katolik, kishte thënë gjatë samitit se Kim i ka thënë që Papa do të ishte i mirëpritur. Papa Françesku tha në atë kohë se ishte i gatshëm për të bërë vizitën, nëse do të merrte një ftesë zyrtare. Megjithatë, Peniani ka shkëputur në masë të madhe kontaktet me Seulin, si pasojë e dështimit të samitit të dytë në mes të Kimit dhe ish-presidentit amerikan, Donald Trump më 2019. “Kur ata të më ftojnë – po them, ju lutem më ftoni – nuk do të them jo”, ka thënë Papa Françesku për transmetuesin jugkorean, KBS. “Qëllimi është thjesht te vllazërimi”, ka shtuar ai. Lidhjet në mes të Koresë Veriore dhe asaj Jugore janë ftohur edhe më shumë pas inaugurimit të presidentit të ri në Suel, Yoon Suk-yeol.