Janë ulur sërish infektimet me covid 19 nën vendin tobnë, duke arritur në nivelet e rasteve ditore të thuajse një viti më parë. Ministria e Shëndetësisë, ka raportuar 38 raste të reja me koronavirus gjatë 24 orëve të fundit, si rezultat i 1762 testimeve të kryera ndaj personave të dyshuar. Kjo është shifra më e ulët e infektimeve ditore të raportuara për muaj me radhë nga autoritetet shëndetësore në vend, gje që flet për një normalizim të pandemisë. Por edhe pse infektimet kanë rënë ndjeshëm, sërish janë shënuar dy humbje jete për shkak të infektimit me covid 19. një qytetar nga Shkodra dhe një qytetar nga Durrësi të moshave 83-90 vjeç kanë humbur betejën me COVID19, duke e cuar numrion total të viktimave që nga fillimi i pandemisë në 2399 persona. Rënia e infektimeve ka ulur edhe numrin e të sëmurëve që po trajtohen në 2 spitalet COVID ku janë të shtruar 123 pacientë, 10 në terapi intensive, nga të cilët 2 pacientë janë të intubuar. Ndërkaq i lartë është numri i të shëruarve që kanë fituar betejën me virusin dhe janë përkatësisht 872 persona, duke e çuar numrin e të shëruarve në 111,792 që nga fillimi i epidemisë. Numri I rasteve aktive vijon të jetë i lartë dhe janë përkatësisht 17 085 persona të infektuar me koronavirus.