Kur kanë mbetur pak më shumë se 2 javë nga zgjedhjet e pjesshme lokale të 6 marsit për 6 bashkitë pa kryetarë, Këshilli I Europës ka konfirmuar një gurp vëzhguesish. Mësohet se një delegacion nga Kongresi i Autoriteteve Lokale dhe Rajonale të Këshillit të Evropës, me në krye norvegjezen Gunn-Marit Helgesen si raportuese dhe përfaqësuese e Kongresit në Këshillin e Komisionit të Venecias për Zgjedhjet Demokratike, do të kryejnë një mision vëzhgimi në distancë të zgjedhjeve. Të njëjtat burime bëjnë me dije se ky mission do të jetë online më 24 dhe 25 shkurt përpara zgjedhjeve të pjesshme vendore të planifikuara për në 6 mars 2022 në Shqipëri. Ky delegacion do të zhvillojë takime online me përfaqësues të komunitetit ndërkombëtar në Tiranë, me Kryetarin e Komisionit Qendror të Zgjedhjeve, Ilirjan Celibashi dhe me delegacionin shqiptar në Kongres dhe shoqatat e pushtetit vendor.