Ish- deputetja e PD, Oriola Pampuri ka denoncuar se spitali i cili një muaj më parë u inagurua nga Rama dhe Manastirliu si spitali COVID-4 është i kyçur dhe jashtë funksionit. Ne nje dalje publike nga ky spital, Pampuri deklaroi se spitali COVID- 4 është mashtrimi i radhës i Ramës, qeveria e të cilit s’ka asnjë plan dhe tashmë është dorëzuar para situatës jashtë kontrollit të COVID_19. Ndodhem sot tek godina që kryeministri në ikje dhe Ministrja e Shëndetësisë e inauguruan me bujë si spitalin Covid 4. Një muaj më parë, propaganda e qeverisë në ikje ua shiti shqiptarëve këtë godinë si një strukturë spitalore që do të ndihmojë spitalin infektiv për të përballuar një fluks të mundshëm pas rihapjes. Fluksi ka ndodhur në përmasa të frikshme dhe jashtë kontrollit, por kjo godinë spitalore nuk është gati për të kryer funksionin e saj mbështetës, siç premtoi kryeministri dhe Ministrja e Shëndetësisë. Asgjë nga ato që u shfaqën në ERTV në 2 qershor, nuk është në funksion. Gjithçka është një mashtrim. Dëgjojeni vetë kryeministrin në ikje që gënjente pa turp në 2 Qershor. Mund të ndodhë që numrat jo vetëm të rriten, por të na shoqërohen me atë që nuk e patëm herë e parë, larg qoftë. Dhe ky spital është përgjigja e duhur….