Bashkia e Tiranes nisi degjesat publike me inxhinierë ndërtimi dhe ekspertë qe kane bere vleresimet ne terren lidhur me pallatet e demtuara nga termeti i 26 nentorit ne zonen e kombinatit. Kryebashkiaku i Tiranës, Erion Veliaj tha gjate takimit siguroi qytetarët se fjala e fundit për marrjen e një vendimi të tillë u takon inxhinierëve të licencuar dhe ekspertëve, në bashkëpunim me Institutin e Ndërtimit. “Asnjë nuk e ka të lehtë kur largohet nga shtëpia, madje as kur ndërron një shtëpi ku ruan kujtimet e fëmijërisë, le më kur është i detyruar për shkak të tërmetit. Por, janë vendime të drejta e të rëndësishme që duhet t’i marrim sot. Për çdo studim të thelluar të një pallati ka 7-8 libra me raporte; ka gjithashtu, edhe oponencën teknike të Institutit të Ndërtimit. Nganjëherë lipset të marrim vendime të vështira, por të drejta. Historitë si Astiri, Teatri, kanë gjithmonë rezistencë, por duhet të marrim vendime. Agonia e mungesës së vendimmarrjes na çon në kolaps, ndaj kjo është arsyeja pse parashikoj që për vendimet që do marrim sot e në vijim, mbledhjen e komisioneve të Këshillit Bashkiak do ta quajmë të hapur derisa t’i mbarojmë të gjitha dëgjesat, para se të shkojmë për votim. Veliaj tha se në Këshillin Bashkiak janë miratuar 3 mijë pagesat e para për dëmshpërblimet cash, ndërsa shumë shpejt do të miratohet edhe lista me 3 mijë emrat e tjerë, deri në përmbylljen e plotë të 7 mijë dosjeve të mbetura.