Java e Kulturës Meksikane mbahet në vendin tonë prej këtij 13 nëntori deri më 16 nëntor. Këtë të mërkurë në orën 15 tek Holli i TKOB në Tiranë, do të inaugurohet skulptura Alebrije-“Fëmija Monarka”, e realizuar me rastin e 50-vjetorit të Marrëdhënieve Diplomatike mes Shqipërisë dhe Meksikës. Më 14 Nëntor tek akademia e filmit Marubi në Tiranë, një ndër regjisorët më ndikues në Evropë dhe jo vetëm Jesus Garcés Lambert, do të mbajë Masterclass "Betëeen fiction and documentary, find your oën voice". Po në të njëjtën ditë në orën 18:00 tek Libraria Tirana Times në Tiranë, Ambasadori i Meksikës do të mbajë një konferencë me temë “Diaspora Meksikane, politikat publike” si dhe do të nënshkruaje një Memorandum Mirëkuptimi. Në Destil Creative Hub në orën 20 do të serviren disa nga pjatat tradicionale meksikane si edhe do të ketë degustim tequila.