Detaje të reja janë zbardhur nga krimi i rëndë brenda familjes në Fier, ku Petrit Manaj masakroi me thikë bashkëshorten e tij 50 vjec Valdete Manaj. Policia ka zbuluar lëvizjet e fundit të autorit të krimit, ku ky i fundit pasi goditi disa herë me thikë gruan e tij duke e lënë të vdekur, shkoi në një restorant aty pranë për të ngrënë mëngjes për herë të fundit i lirë, jashtë qelisë së burgut. E gjithë kjo, për të hequr sadopak dyshimet se ishte ai, ai i cili i mori jetën partneres së tij, në një moshë të re, për një nga motivet që është kthyer në problematikë të gjerë sot, e cila është vrasja për xhelozi. Petrit Manaj përpara policisë mohoi të kishte gisht në këtë ngjarje, ndërsa më pas deklarata e tij ndryshoi dhe pranoi fajësinë, duke treguar dhe të gjithë dinamikën e ngjarjes. Një tjetër detaj që është bërë me dije nga policia e Fierit, është se djali i tyre një ditë më parë ka udhëruar jashtë Shqipërisë, për arsye që nuk bëhen me dije nga efektivët. Valdete Manaj, u gjet e pajetë në banesën e saj, nga policia, e cila njoftua nga kunati i saj. Sipas të dhënave paraprake, 50 vjecarja përvec goditjeve të shumta me thikë, kishte shenja dhune në trup, gjë që ngre dyshimet se mes viktimës dhe autorit të krimit ka patur një konfikit përpara se të regjistrohej tragjedia. Petrit Mamaj goditi 6 herë me thikë bashkëshorten 50-vjeçare në gjoks, duke I shkaktuar vdekjen e menjëhershme. Përplasjet mes tyre kanë qenë të vazhdueshme, aq sa çuan në një krim brenda familjes.