Gjykata e Elbasanit caktoi në spital masën arrest me burg për Ardjan Çapjan, të dyshuar se porositi dhe pagoi 50 mijë euro për ekzekutimin e Gentjan Beqirit, i cili u vra së bashku me të atin Nezirin. Masa e sigurisë nuk u dha në ambjentet e zakonshme të gjykatës, por në spital, në repartin e kardiokirurgjisë , ku Çapja mbahet i shtruar teksa pret t’i nënshtrohet një ndërhyrjeje kirugjikale në zemër. Si provë kryesore për ndalimin e tij ka qenë dëshmia e të penduarit Ervis Bardhit, që ka marrë statusin e dëshmitarit të drejtësisë. Capja u prangos nga forcat RENEA në 29 mars. Në momentin e ndalimit, ‘trurit’ të fisit të Capjave iu gjet edhe një armë zjarri. Gentian Beqiri, i njohur ndryshe si Ardian Meta dhe babai i tij, u ekzekutua 15 gushtin e 2012-tës në lagjen “Çlirimi” në Elbasan. Në momentin e vrasjes, Gentiani ishte në banesë sepse i ishte caktuar masa e sigurisë “Arrest në shtëpi”. Beqiri ka qenë i implikuar në vrasjen e biznesmenit Sokol Çapja, në vitin 2005, vëllai i ardian capjas. ai ruhej nga efektivë policie, por autorët përdorën mikun e tij të fëmijrëise, Etien Canin për të hyrë brenda dhe Ervis Bardhi dyshohet se bashkëpunoi pikërisht me Canin. Beqiri u qëllua me 4 plumba me një arme me silenciator ndërsa i ati u dhunua barbarisht e ndërroi jetë edhe për shkak të një infarkti.