Pas reagimit të kryeministrit Rama, Shoqata e Ndërtuesve tërhoqi ankimimin në Kushtetuese për operacionin ‘Konfiskimi’ të qeverisë, me arsyetimin se kjo kërkesë ishte dorëzuar në gjykatë pa kaluar në mënyrë të rregullt procedurat e brendshme të shoqatës. Grafik Shoqata e Ndërtuesve: Në lidhje me referencën e djeshme të Kryeministrit për ankimimin e Shoqatës së Ndërtuesve në Gjykatëen Kushtetuese, bëjmë me dije se vendimi i ankimimit është marrë pa ndjekur procedurën e rregullt që kemi. Prandaj edhe kemi kërkuar tërheqjen e këtij ankimimi dhe rifutjen e kësaj çështjeje në procedurën e rregullt të diskutimit dhe të vendimmarrjes sonë. Për Top News, Shoqata e Ndërtuesve pohoi se prishja e ndërtimeve pa leje prek edhe katet të cilat janë të pajisura me lejet përkatëse, duke shtuar se ky akt bie në kundërshtim të hapur me të drejtat e bleresve dhe pronarëve të truallit. Po i njëjti vendim qeverie është paditur në Gjykatën Kushtetuese edhe nga Partia Demokratike. Deputeti Gazmend Barshi depozitoi kërkesën me firmën e 28 deputetëve demokratë ku kërkonte shfuqizimin e këtij vendimi të këshillit të ministrave, nën argumentin se po cënohet barazia e qytetarëve përpara ligjit.