Më shumë se 20 rusë dhe bjellorusë që jetojnë në Serbi kanë mbetur "pa shtetësi" pasi nuk kanë mundur të fitojnë shtetësinë serbe pas aplikimeve. Shumica e tyre kanë jetuar në Serbi prej më shumë se një dekade, duke blerë prona, duke filluar biznese dhe duke rritur fëmijë të lindur në vendin, ku tani janë praktikisht të bllokuar, pa mundësi për t’u larguar. Deri në dy vjet pas heqjes dorë nga shtetësia e tyre e parë, cka kërkohet sipas rregullave serbe, askush nuk ka marrë një shpjegim të qartë nga autoritetet për vonesën. "Tani ka kaluar pothuajse një vit e gjysmë që jam pa asnjë shtetësi", thotë ish-shtetasi rus Igor Grishin për AFP. "Dhe nuk e di se sa do të zgjasë," shtoi ai. "Një muaj, një vit... ose pjesën e mbetur të jetës", shton ai. Podkasteri 58-vjeçar ka jetuar për 11 vjet në qytetin verior të Sremski Karlovcit me gruan dhe dy vajzat e tij. Gruaja dhe vajza e tij më e madhe morën shtetësinë serbe më herët, ndërsa vajza më e vogël e fitoi atë me lindje.