Presidentja e Kosovës, Vjosa Osmani ka deklaruar se nuk ka asnjë luftë mes qeverisë dhe presidencës së vendit, duke theksuar se ajo kërkon të respektohet territori i Kosovës si dhe një shtet që është funksional. Osmani: “E para ska asnjë luftë politike. Presidentja e Republikës së Kosovës kërkon vetëm që të respektohet Kushtetuta e Republikës së Kosovës, territori i Kosovës, funksionaliteti apo parimi i unitaritetit të shtetit dhe aktgjykimi i Gjykatës Kushtetuese sa i përket dokumentit të vitit 2015. Pra këto janë parime bazë të cilat unë kam kërkuar që gjithnjë të respektohen. Atë qëndrim e kam pasur edhe si deputete sa i përket kësaj teme, të njëjtin e mbaj edhe sot”. Osmani ngriti shqetësimet e saj lidhur me draft statutin e një viti më parë, teksa tha se i takon Gjykatqës Kushtetuese të vendosë nëse është ose jo ë përputhje me Kushtetutën.