Presidentja e Kosovës Vjosa Osmani, ka pritur këtë të hënë në takim përfaqësuesnin e posaçëm të Bashkimit Evropian për dialogun ndërmjet Kosovës dhe Serbisë, Peter Sorensen. Përmes një postimi në FaceBook, Osmani shkroi se përveç lëhtësimit e dialogut Kosovë-Serbi, me Sorensenin kanë diskutuar edhe për sigurinë në rajon, si dhe integrimin evropian të Kosovës. Po ashtu, Osmani thekson se në këtë takim ia ka bërë të qartë Sorensenit se Kosova meriton trajtim të barabartë në procesin e dialogut dhe në rrugën drejt BE-së. Osmani shkruan edhe për masat e vendosura prej BE ndaj Prishtinës. ‘Kosova është dëshmuar tashmë si pala konstruktive në dialog, e angazhuar për paqe, demokraci e sundim të ligjit, prandaj mbajtja e masave të padrejta të BE-së ndaj vendit tonë po i dëmton jo vetëm qytetarët tanë por edhe balansin e nevojshëm në dialog”, përfundon shkrimin Presidentja Osmani.