Presidentja e Kosovës, Vjosa Osmani është takuar me kryeministrin Edi Rama në margjinat e Samitit të NATO-s në Ëashington D.C., teksa ndodhen atje në kuadër të takimit të nivelit të lartë të aleancës, që shënon 75 vjetorin e nënshkrimit të Traktatit për themelimin e saj. Në një postim në FaceBook, Vjosa Osmani bën me dije se së bashku me Ramën, se po koordinojnë “qëndrimet dhe përpjekjet në mënyrë që edhe Kosova, t’i bashkohet Shqipërisë dhe shteteve tjera aleate si anëtare me të drejta të plota në NATO, aty ku edhe e ka vendin”. Sakaq, Presidenca e Kosovës bëri me dije se të dy liredët shqiptarë diskutuan së bashku rëndësinë e ecjes përpara në rrugën euroatlantike të Kosovës, e në veçanti për hapat e domosdoshëm drejt anëtarësimit në NATO, aleancë kjo jetike për sigurinë dhe paqen në rajon e më gjerë”. Source: FaceBook @Vjosa Osmani