Presidentja e Kosovës, Vjosa Osmani ka njoftuar përmes një postimi në rrjetin social X, se i ka kërkuar Qeverisë së Kosovës, të pezullojë tarifën doganore prej 10 për qind për mallrat nga Shtetet e Bashkuara të Amerikës, një ditë pasi presidenti amerikan, Donald Trump, vendosi tarifë të ngjashme ndaj importeve nga Kosova. Osmani shkruan se pezullimi i tarifës ndaj mallrave amerikane do të ishte hap i rëndësishëm për thellimin e marrëdhënieve ekonomike me aleatin më të ngushtë të Kosovës. Sipas saj, kjo lëvizje do të dërgonte edhe një mesazh të qartë, se Kosova është e gatshme për marrëdhënie më të fuqishme me Shtetet e Bashkuara. Presidentja shprehet se ky hap do të bënte që dy vendet të kishin marrëdhënie më të fuqishme, të sigurta dhe të begatshme”.