Ortodoksët në të gjithë Shqipërinë kremtojnë sot ngjalljen e Jezu Krishiti. Për të dytin vit rradhazi koronavirusi kushtëzon zhvillimin e plotë të ritualeve fetare ortodokse. Mesha e Pashkëve duhet të mbahej në mesnatë, por si pasojë e masave kufizuese antiCovid dhe orës policore në vend mesha për besimtarët ortodoksë u zhvillua në mëngjes. Besimtarët ortodoksë marrin sot dritën e shpresës në ambjentet e kishës duke shpresuar paqe, solidaritet dhe përmirësim. Teksa kanë qenë të shumtë besimtarët, të cilët janë rikthyer në kisha duke ruajtur distancimin fizik, të shumtë kanë qenë edhe ata që i kanë kryer ritualet në shtëpi si pasojë e koronavirusit. Pashkët ortodokse janë ditë paqejë, besimi dhe shprese për besimtarët. Ritualet përfshijnë vezët e kuqe që simbolizojnë sakrificat e birit të Perëndisë, Krishtit si dhe fitoren, gëzimin dhe jetën. Vezët e kuqe vendosen në mes të bukës së pashkës, e cila duke qenë e ëmbël shpreh kuptimin e ëmbëlsisë dhe lumturisë të cilat i përmbajnë fjalët e Zotit dhe lutjet e besimtarëve.