Ishte agim i 1 dhjetorit dhe në një shtëpi tipike në periferi të Los Olivos në Bogota, Pablo Escobar bënte një gjumë mjaft të trazuar, i cili ndërpritej vazhdimisht, pasi bosi i drogës zgjohej me zhurmën më të vogël. Ai nuk ishte më njeriu që kontrollonte tregtinë e kokainës në Kolumbi, ai që “bënte” me pluhur të bardhë pothuajse të gjithë botën duke pasur si moto “para ose plumba” kur donte të frikësonte dikë. Tani ai ishte një kafshë e gjuajtur që të gjithë donin ta vrisnin të parët, duke filluar nga bashkëpunëtorët e tij të vjetër në kartelin Cali, Search Bloc – njësia speciale e policisë që po e kërkonte – dhe sigurisht DEA.