Kryeministri falenderoi qytetarët për besimin e dhënë për Partinë Socialiste edhe në zgjedhjet e pjesshme vendore, pavarësisht pjesëmarrjes së ulët në to, për të cilën kryesocialisti jep tre arsye. 5 arsye më shumë për t’i falenderuar qytetarët për besimin e tyre, pavarësisht dobësisë ekstreme të opozitës, motit me shi të ditës se djeshme, apo vetë natyrës së zgjedhjeve të pjesshme, të cilat nuk është se e stimulojnë pjesëmarrjen. Rama uron me radhë kryebashkiakët e rinj që nga Vlora, që për herë të parë do të drejtohet nga një grua, Brunilda Mersini, deri në Mat. Zgjedhjet u karakterizuan nga një pjesëmarrje e ulët, ku në Vlorë vetëm 12 për qind dolën të votojnë, ose gjysma e atyre që votuan në zgjedhjet vendore të vitit 2023, kur u zgjodh Ermal Dredha. Rënia nga 6 deri në 20 për qind u regjistrua edhe në katër bashkitë e tjera. Të dhënat e KQZ tregojnë se në këto zgjedhje, fituesin e përcaktuan personat me moshën mbi 55 vjeç.