Pas tensioneve të krijuara në Kuvend, sekretariati I etikës do të mblidhet të premten në orën 9 të mëngjesit për të shqyrtuar kërkesat e PS për përjashtimin e 29 deputetëve demokratë. Dënime që variojnë nga 60 deri në 10 ditë. Por nëse Etika vendos përjashtimin e deputetëve, atëherë pesë anëtarët e PD në Këshillin e Mandateve rrezikojnë të mos jenë prezent gjatë mbledhjes ku SPAK do të paraqesë provat dhe pretendimet lidhur me kërkesën e bërë për heqjen e imunitetit të zv.kryeministres Belinda Balluku. Gazment Bardhi, Saimir Korreshi, Elda Hoti, Gent Strazimir dhe Oerd Bylykbashi janë ndër emrat që mazhoranca ka kërkuar ndëshkim. Ndërkohë SPAK nga ana tjetër, për shkak të hetimeve I ka kërkuar Kuvendit që mbledhja të zhvillohet me dyer të mbyllura psai në fashikuj ka të implikuar dhe persona të tjerë.