Anija e emergjencave, Ocean Viking, e marrë me qira nga SOS Méditerranée, shpëtoi plot 438 emigrantë të mbetur nën ankthin e mbytjes në ujërat ndërkombëtare jashtë Libisë dhe Tunizisë, gjatë dy ditëve të fundit. Organizata joqeveritare me qendër në Francë SOS Méditerranée tha se shpëtoi 272 persona të shpërndarë në tre gomone të enjten, duke përfshirë 32 të mitur të pashoqëruar, nëntë foshnja dhe pesë persona me aftësi të kufizuara, të cilët vinin nga 23 vende të ndryshme. Ajo shtoi se shpëtoi 166 persona të tjerë pasi u ofroi ndihmë disa anujeve të vogla të lundrimit, në zonën e kërkim-shpëtimit midis Tunizisë dhe Lampedusës". Një total prej 438 shpëtimtarësh janë në bord, tha OJQ-ja, duke sqaruar se Ocean Viking "po shkon në Gjenova në veri të Italisë porti i largët dhe i sigurt i caktuar nga autoritetet italiane për zbarkimin e të shpëtuarve". Mesdheu qendror konsiderohet rruga më e rrezikshme e migrimit në botë, sipas Organizatës Ndërkombëtare për Migracionin (IOM). Agjencia e OKB-së vlerëson se që nga fillimi i vitit ka 2013 emigrantë të zhdukur në Mesdheun qendror, krahasuar me 1417 në të gjithë vitin 2022. Pamjet: AFP