Lëvizja Vetëvendosje ka arritur të marrë edhe një mandat tjetër nga PD, nga votat me postë, duke arritur në 57 mandate gjithësej. Numërimi i votave me postë për zgjedhjet e 28 dhjetorit, nisi që prej të hënës së 5 janarit nga KQZ. Sipas rezultateve të publikuara në ueb-faqen e Komisionit Qendror të Zgjedhjeve, Lëvizja Vetëvendosje prin bindshëm sa i përket votave me postë. Nesë VV-ja arrin në mbi 80% të votave me postë, atëherë ka gjasa t’ia marrë LDK-së edhe një deputet dhe të shkojë në 58. Sipas analistëve, PDK ka rënë në 22 mandate, dhe se ky rezultat vejn si pasoje e performancës së LVV-së, por edhe i performancës gati tre-fish më të dobët të LDK-së në votat me postë, krahasuar me zgjedhjet e 9 shkurtit. Përveç votave me postë, pritet të numërohen ato me kusht dhe të personave me nevoja të veçanta. KQZ pret që rezultatet përfundimtare të shpallen më herët seç ishte planifikuar, përkatësisht para 19 janarit.