Një ngjarje e rëndë është regjistruar në qytetin e Krujës, ku roja e një parkimi privat është goditur me makinë nga një turist, pas refuzimit të këtij të fundit për të paguar. Për pasojë policia ka arritur të identifikojë dhe vërë në pranga një 23-vjeçar turk, sit ë dyshuar për ngjarjen në fjalë. I sulmuari me makinë mësohet se është Bujar Dedja, I cili ishte roje në një parking privat. Ky i fundit, sipas informacioneve është dëmtuar dhe ndodhet në spital, nën kujdesin e mjekëve. Sipas burimeve konflikti është regjistruar të shtunën, kur roja ka tentuar të ndalë makinën që drejtohej nga shtetasi 23-vjeçar turk, I cili po largohej pa paguar. Sipas të njëjtave burime ata fillimisht janë konfliktuar me rojen në afërsi të Kalasë së Krujës, e më pas ky I fundit ka tentuar tu bllokojë rrugën dhe më pas është varur në kofanon e autoveturës së turistëve. Kjo nuk i ka ndaluar turistët, të cilët e kanë marrë me vete në kofano rojen për disa dhjetra metra. Më pas roja ka rënë në tokë dhe është plagosur. Po ashtu policia bën me dije se ka proceduar në gjendje të lirë edhe një 23-vjeçar tjetër turk, që ndodhej në automjet, nën akuzën për moskallëzim krimi, ndërkoi I dëmtuari 61 vjeç, vijon të jetë në spital.