Kryeministri Edi Rama kritikoi bashkitë se përqëndrohen vetëm te infrastruktura kur vjen puna te zhvillimi i zonave rurale dhe nuk nxisin fermerët që të bashkohen në shoqëri të përbashkëta. “Kryetarët e bashkive e shohin fshatin si çështje të infrastrukturës rrugore, të pastrimit, të ndriçimit, por nuk e shohin si pjesë të punës së përditshme në funksion të zhvillimit. Jemi në një pikë ku duhet të garantojmë një kthesë në këtë drejtim. Ende sot nuk kemi asnjë ndërmarrje të vetme bujqësore të krijuar me bashkëpunimin e fermerëve dhe strukturave të pushtetit vendor. Janë bërë disa tentativa por nuk mund të themi se kemi krijuar një model. Kemi vendosur një dispozicion një linjë kredie për t’u përgjigjur ambicieve dhe për t’u dhënë mbështetje projekteve në fshat, kjo e kombinuar bashkë me garancinë sovrane. Për të ndryshuar qasjen na duhet një bashkëpunim më i afërt.” Kritikat Rama i shqiptoi gjatë një bashkëbisedimi me fermerët në Bashkinë e Cërrikut