Partia Socialiste ka kërkuar nga strukturat që të vijojnë punën pavarësisht vendimit të dhënë nga Gjykata Kushtetuese për dekretin e Presidentit. Pëmres një mesazhi, PS thekson se vendimi nuk prek zgjedhjet dhe se ai përfundimtar do të jepet më 31 tetor. “Sikurse u theksua edhe mbrëmë, vendimi i sotëm nuk i prek zgjedhjet e 9 nëntorit. Vendimi përfundimtar i Gjykatës do të jepet më 31 tetor”, thuhet në mesazhin e shpërndarë në degët e PS në Tiranë. Edha kandidati i pavarur I Tiranës, Florian Binaj reagoi duke theksuar se kurdo që të caktohet data për zgjedhjet ai do të garojë. “Zgjedhjet e pritshme në Tiranë janë vetëm hapi i parë në rrugën e gjatë që po nisim. Kurdo që të caktohet votimi, ne do të marrim pjesë me vizionin dhe vullnetin tonë për ndryshim. Deri atëherë ju ftoj të punojmë çdo ditë për të ndezur në mendjet dhe zemrat e qytetarëve besimin tek politika e ndershme, tek politika e punës, besimin se pushteti buron nga qytetarët dhe duhet të punojë vetëm për qytetarët. Partia më e rëndësishme, partia më e fuqishme në botë është partia e qytetarëve. Flori”, shkroi Florian Binaj që tashmë ka marrë dhe mbëhstetjen e Partisë Demokratike, të Mundësisë, por dhe Lëvizjes Shqipëria Bëhet dhe Partisë së Lirisë si dhe disa subjekteve të tjera opozitare me përkashtim të Lëvizjes Bashkë që garon me drejtuesin e saj Arlind Qori.