Nuk kanë të ndalur protestat në Paris, teksa numri i demonstruesve dhe dhuna e tyre nëpër rrugë sa vjen e përshkallëzohet që prej të martës, kur një polic vrau një 17-vjeçar. Mbrëmjen e të enjtes mijëra njerëz zbarkuan ën rrugët e kryeqytetit, teksa lagjja periferike Nanterre, ku ndodhi edhe ngjarja e rëndë, ishte edhe qendra e protestës. Protestuesit ndezën zjarre, shkatërruan dyqane e objekte të tejra shërbimi, si dhe luftuan me policinë për orë të tëra, duke qëlluar ndaj tyre me gurë e pllaka trotuari. Nga ana tjetër forcat e rendit, që ishin të pranishme në një numër record prej rreth 40 mijë oficerësh, përdorën gaz lotsjellës dhe ujë, në përpjekje për të shpërndarë turmën e acaruar. Departamenti policor bëri me dije se gjatë dhe pas protestave u arrestuan rreth 700 persona, teksa situate vijon të mbetet e tensionuar dhe qytetarët pritet të zbresin sërish në rrugë e sheshe edhe mbrëmjen e të premtes.