Kontrollet për respektimin e masave anticovid kanë viujuar nga patrullat e policisë në të gjithë vendin. Gjatë këtyre kontrolleve konfiermohet se 579 qytetarë janë gjobitur me 3 mijë lekë gjatë 24 orëve për mos mbajtje të maskës mbrojtëse nga të cilët 496 shtetas që janë konstatuar pa maska në publik dhe 83 shtetas që udhëtonin pa masa mbrojtëse në mjete private me persona me të cilët nuk kishin lidhje familjare apo në mjetet e transportit publi. Gjithashtu policia ka bërë të ditur se janë ndëshkuar me gjobë 10.000 lekë, 4 qytetarë që janë konstatuar duke lëvizur në këmbë pas orës 20:00. Në zbatim të masave anticovid, Policia e Shtetit u bëri apel sërish të gjithë qytetarëve dhe drejtuesve të mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19.