Ndalesa në Beograd e drejtorit të Agjencisë Qendrore të Inteligjencës Amerikane, CIA, Ëilliam Burns, pas vizitës së tij në Sarajevë, nuk është konfirmuar e as mohuar nga zyrtarët në Serbi dhe Shtetet e Bashkuara. CIA tha se "nuk komenton axhendën e udhëtimit të drejtorit". Agjencia e Sigurisë dhe Informacionit e Serbisë (BIA) në anën tjetër nuk pranoi të bënte komente për për mbërritjen e Burnsit në kryeqytetin serb, ndërsa Ambasada e Shteteve të Bashkuara në Beograd tha se të gjitha pyetjet në lidhje me këtë çështjet duhet t’i adresohen zyrës për shtyp të CIA-s. Presidenca dhe Qeveria e Serbisë thanë se nuk kanë asnjë informacion zyrtar për këtë vizitë. Sipas informacioneve jozyrtare, drejtori i CIA-s mbërriti në Beograd pas një vizite njëditore në Bosnje e Hercegovinë dy ditë më parë.