Ish-kryeministri Sali Berisha u paraqit këtë të hënë në Prokurorinë e Posaçme, në respektim të masës së sigurisë, ndonëse mungoi në seancën e parë të gjykimit, të caktuar ndaj tij. Por për këtë ish-kryeministri pati edhe një sqarim. SINK Unë njoftim zyrtar, siç duhet, nuk kisha marrë, por nuk ishte ajo arsyeja. Arsyeja ishte se, unë isha në një udhëtim, siç mund ta keni marrë vesh... Janë avoketërit e mi ata të cilët përcaktojnë vendimet. Unë gjer tani njoftim zyrtar nuk kam marrë, por unë nuk mund të them se nuk kam marrë, se ajo është dhënë në media që është shtyrë gjyqi për datën 21. Por, shkresë nuk kam marrë. Nga ana tjetër, ish-kryeministri nuk i ndali akuzat ndaj kreut të SPAK Altin Dumani, për amnisti siç e konsideroi ai të krimeve elektorale. Po ashtu kreu i demokratëve hodhi një lumë akuzash ndaj gjyqtares Irena Gjoka, që për Berishën nuk do të duhej të ishte në çështjen e tij, si për shkak të konfliktit të interesit, por edhe sepse sipas tij, ka shkelur ligjin e do të duhej të ishte jashtë sistemit të drejtësisë për fshehje të dënimit në Greqi.