Teksa prej muajsh në selinë blu mungon qetësia, tashmë Partia Demokratike ka hyrënë një moment kritik të saj, që nga dorëheqja e kryetarit Lulzim Basha. Këtë të mërkurë, Sekretari i përgjithshëm Gazment Bardhi, nisur nga situata në të cilën ndodhet partia, ka thirrur mbledhjen urgjente të Kryesisë. “Të nderuar anëtarë të Kryesisë, Sot në orën 19:00 do të zhvillohet mbledhje e Kryesisë së Partisë, me rend dite diskutimin mbi situatën e brendshme ne Parti.”, shkruan ndër të tjera Bardhi. Teksa Bardhi thërret mbledhjen e Kryesisë, nga ana tjetër nuk ka thirrur akoma Këshillin Kombëtar për të ratifikuar Enkelejd Alibeajn si kryetar të Përkohshëm, ashtu siç edhe e përcakton Statuti i partisë. Mbetet për tu parë nëse nga Kryesia do të dilet me një vendim të përbashkët, ashtu siç ndodhi edhe në mbledhjen e parë të grupit pa Lulzim Bashën.