Shqipëria, anëtare e natos, nuk ka asnjë avion luftarak të sajin, por ka hapur një bazë ajrore të rindërtuar të erës sovjetike për avionët e natos, të hënën, në mesin e kërcënimit në rritje nga Rusia- citon agjencia e lajmeve Reuters kryeministrin shqiptar Edi Rama. Reuters thekson se NATO ka shpenzuar mbi 50 milionë euro në bazën ajrore të Kucovës, për të forcuar praninë e saj në rajon. Hapësira ajrore në vendin që laget nga adriatiku e që kufizohet me greqinë në jug e me malin e zi në veri, mbrohet nga italia dhe greqia, vijon Reuters. “Kjo është një bazë që do të shtojë një tjetër element sigurie për rajonin tonë të ballkanit perëndimor, që të gjithë ne e dimë se është i rrezikuar nga kërcënimi i ambicjeve neo-imperialiste të federatës ruse”, citon reuters Ramën në ceremoninë e inaugurimit. Dy avionë luftarakë që fluturuan nga baza ajrore e natos në Aviano, u ulën në kucovë për të shënuar rihapjen e aeroportit ushtarak. Baza ajrore, sqaron Reuters, ndodhet në qytetin e vogël të Kucovës, që dikur njihej si Qyteti Stalin, kur migët sovjetikë dhe kinezë qëndronin në gatishmëri për tu nisur në fluturim në rast të një lufte me perëndimin, që nuk ndodhi kurrë. Shënjestrat më të mundshme – tha Rama – atëherë ishin austria, gjermania, italia dhe danimarka. Por sot, ne jetojmë në një erë tjetër dhe fatmirësisht shqipëria është në anën tjetër. Shqipëria, që u anëtarësua në NATO në 2009-ën, është po ahstu në bisedime me naton për të ndërtuar një bazë detare në porto romano, në brigjet e adriatikut.