Presidenti francez Emmanuel Macron është gjendur nën sulm gjatë vizitës së tij në Mayotte, territorin francez të goditur rëndë nga cikloni. Pasi u përball me zërat dhe thirrjet për të dhënë dorëheqjen nga vendasit që kërkonin më shumë ndihmë në zonat e shkatërruara, Macron u përgjigj duke thënë: "Unë nuk jam cikloni. Unë nuk jam përgjegjës". Ai mbërriti në territorin francez në Oqeanin Indian të enjten, pesë ditë pasi cikloni Chido u përplas mbi ishujt e vegjël. Mijëra njerëz nuk kanë akses në ujë të pijshëm dhe ekipet e shpëtimit po vazhdojnë përpjekjet për të gjetur personat e zhdukur. Macron u tha gazetarëve se e kishte zgjatur vizitën e tij deri të premten në shenjë respekti dhe se largimi në të njëjtën ditë mund të kishte "dhënë idenë se ne vijmë, shikojmë dhe largohemi" – tha ai. Macron vizitoi më shumë zona të premten dhe tha se qeveria do të dërgojë më shumë mbështetje në territor së shpejti dhe se Franca do të mbajë një ditë zie kombëtare të hënën.