Kryeministri izraelit, Benjamin Netanjahu sfidoi Francën, Britaninë e Madhe dhe vendet e tjera që kanë njoftuar planet për njohjen e një shteti palestinez. Përmes një videomesazhi të shpërndarë në rrjetet e tij sociale, Kryeministri izraelit konsideron vendimet për njohjen e shtetit palestinez si shpërblim për terrorizmin. Ai përçoi dy mesazhe për Perëndimin. “Dua t’u dërgoj një mesazh atyre udhëheqësve që po njohin shtetin palestinez pas masakrës së tmerrshme të 7 tetor: Ju po i bëni një dhuratë të madhe terrorizmit”, tha ai. Mesazhi i dytë lidhej për vendbanimet izraelite në Bregun Perëndimor dhe planet e Izraelit për zgjerimin e tyre. “Kam edhe një mesazh tjetër për ju. Nuk do të ketë shtet terrorist në perëndim të Jordanit. Për vite me radhë kam parandaluar ngritjen e këtij shteti terrorist në gjirin tonë. Jam përballur me presione të jashtme dhe të brendshme, por e ndaluam me vendosmëri dhe zgjuarsi politike. Ne kemi dyfishuar vendbanimet e kolonëve në Bregun Perëndimor dhe do të vazhdojmë të ndërtojmë të tjera”, thotë Kryeministri izraelit.