Partia Demokratike duket se nuk po gjen karar me listat e kandidatëve për deputetë në Elbasan. Pas moskandidimit të Dashnor Sulës, largimit nga ajo të Alesia Balliut, apo edhe zëvendësimit të kandidatit Renato Kumrija nga Elsa Gega, me pretendimin se gjithçka po bëhet në kuadër të respektimit të kuotës gjinore, ka patur sërish lëvizje të kësaj liste. Nga lista është larguar Gani Cani, I cili kishte marrë vetëm 58 vota në Primare dhe është rikthyer Renato Kumrija, I cili kishte arritur të grumbullonte 206 vota. Ky I fundit pas heqjes nga lista hodhi akuza të forta ndaj Flamur Nokës, por pas vendimit për rikthimin e tij në listë ka reaguar sërish, duke falënderua ish-kryeministrin, njëherësh kryetar I PD, Sali Berisha.