Thërritja e 300 mijë rezervistëve për t’iu bashkuar ushtrisë ruse nga Presidenti Putin ishte një ndër zhvillimet më të rëndësishme të muajve të fundit të luftës në Ukrainë dhe për këtë arsye shumë qytetarë u larguan nga vendi për të mos iu bashkuar radhëve luftuese. Por mesa duket thirrja e kreut të Kremlinit ka lënë shumë për të dëshiruar pasi pjesa më e madhe e personave që duan të luftojnë janë burra të moshuar, mbipeshë dhe madje dhe njerëz që nuk kanë asnjë lidhje me ushtrinë. Foto të cuditshme kanë dalë së fundmi nga një bazë ushtarake në rusi, ku shihen civilë në moshën e mesme teksa marrin mësime se si të qëllojnë me armë zjarri apo të përleshen trup më trup. Mes tyre vihen re dhe shumë femra, gjurmët e manikyrit tek të cilat janë ende të freskëta, ndonëse ndodhen në trajnim për luftë. Pamjet vijnë nga kampi stërvitor në rajonin e Rostovit, i cili ndan një vijë kufitare prej 300 km me Ukrainën. Instruktorët tregojnë se rekrutët janë shumë të angazhuar në stërvitjen ushtarake, ndërsa këta të fundit shprehen se do të jenë gati për të mbrojtur vendin e tyre kur të jetë nevoja. Disa ditë më parë presidenti Putin shpalli ligjin e luftës në 4 rajonet e pushtuara të Ukrainës, si kundërpërgjigje ndaj fitoreve të ushtrisë ukrainase gjatë kundërofenivës së saj.