Policia e shtetit bëhet jo pak herë palë me botën e errët të krimin duke mbyllur njërin sy e bërë shurdh njërin vesh, pas rryshfeteve të marra nën dorë apo edhe bashkëpunimeve me trafikantë e kriminelë të drogës. Deklaratat e dëshmitarëve përpara specialistëve të antimafjas italiane, lidhur me operacionin ‘Shpirti’ nxorën zbuluar një skemë flagrante bashkëpunimi mes punonjësve të policisë dhe trafiakntëve të drogës të cilët shërbenin si mburojë mbrojtëse e kriminelëve duke shpërdoruar uniformën blu të policisëe së shtetit. Shërbimet për çështjet e brendshme dhe ankesave kanë publikuar raportin e punës për vitin 2020, në të cilin pasqyrohet qartësisht një trend rritës të vënies përpara drejtësisë së punonjësve të policisë. Gjatë vitit 2020, janë arrrestuar 50 për qind më shumë punonjës policie krahasur me një vit më parë për përfshirje në trafikim lëndësh narkotike. 30 punonjës policie u arrestuan gjatë vitit 2020 për implikim në fushën e drogës, disa akuzohen për përfshirje, ndërsa të tjerë për favorizim të kultivimit të kanabis sativas në zona të ndryshme të vendit. Në raportin prej 23 faqesh, bie në sy se denoncimet e qytetarëve lidhur me efektivë apo oficerë policie të cilët abuzojnë me detyrën janë shumë të ulëta, në krahasim me numrin total të ankesave. Referuar raportit gjatë vitit 2020 nga strukturat e hetimit të Shërbimit janë kryer rreth 19 operacione për zbulimin, dokumentimin ligjor dhe goditjen e paligjshmërisë së punonjësve të policisë në format dhe fenomenet më shqetësuese, siç janë “korrupsioni pasiv”, “shpërdorimi idetyrës”, favorizimi i “kultivimit të bimëve narkotike” e “kontrabandës”, dhe tendencave të tjera. Ndërkohë që ende pa u mbullur viti 2021, operacioni masiv shqirti, apo edhe operacione të tjera të paralajmëruara nga SPAK, pritet të çojnë përpara drejtësisë një numër të madh policësh, prokurorësh e gjyqtarësh që bëhën palë me krimin.